Një marrëveshje “Brexit” është rënë dakord mes ekipeve negociuese të Mbretërisë së Bashkuar dhe BE përpara një takimi të liderëve europianë në Bruksel. Kryeministri Boris Johnson, u shpreh se “ne kemi një marrëveshje të re që i jep fund kontrollit”. Të dyja palët kanë punuar për tekstin ligjor të marrëveshjes, por duhet gjithashtu edhe aprovimi nga ana e parlamentit të Mbretërisë së Bashkuar dhe atij Europian.
Partia e Unionit Demokratik, DUP, ka shprehur dyshime për marrëveshjen duke thënë se ata ende nuk mund ta mbështesin atë. Partia Irlandeze e Veriut, më herët ka dhënë një deklaratë duke thënë se ata nuk mund të mbështesin propozimet, madje edhe pas njoftimit të kryeministrit thanë se deklarata e tyre ende qëndron. Por Presidenti i Komunitetit Europian, Jean-Claude Juncker, u shpreh se ishte një marrëveshje e drejtë dhe e ekulibruar. Ashtu si Johnson edhe presidenti ka kërkuar nga parlamentet të mbështesin marrëveshjen./tvklan.al
