Burimet termale të Vromonerit, një diamant në luginën e Vjosës, janë tashmë një destinacion i shkëlqyer turistik çdo ditë e më tepër i frekuentuar. Burimet termale të Vromonerit janë të preferuar për turistët vendas dhe të huaj, njoftoi ADZM Korçë. Burimet termale te Vromonerit gjenden pranë fshatit Kuqesh, Njësia Administrative Leskovik, Bashkia Kolonjë, në luginën e Sarandaporosit, degë e Vjosës, 430 m mbi nivelin e detit. Janë disa burime termale, që dalin në rrëzë të shkëmbit, me temperaturë 40-50°C dhe përmbajtje sulfurore.
Këto burime kanë vlera shkencore (gjeologjike, hidrologjike), kurative, turistike. Vizitohen sipas rrugës rurale Leskovik- Kuqesh. Këto ditë burimet termale të Vromonerit janë vizituar nga turistë vendas dhe kryesisht të huaj, pasi ofrojnë një natyrë të mrekullueshme dhe me ujëra me vlera shkencore.
