Një burrë nga Kalifornia është shfajësuar pasi kaloi më shumë se 30 vjet në burg për një vrasje që nuk e kishte kryer. Joaquin Ciria, 61 vjeç, u arrestua në vitin 1990, i akuzuar për vrasjen e Felix Bastarrica në distriktin SoMa të San Franciskos. Akuza ndaj tij bazohej në dëshmi të rreme të dëshmitarëve dhe në sjellje të pahijshme të policisë, sipas prokurores së qarkut të San Franciskos, Chesa Boudin.
Pas më shumë se tre dekadash, çështja e tij është mbyllur dhe dënimi i tij është hequr. Bastarrica u vra nga një i njohur i përbashkët, por Ciria e gjeti veten të akuzuar për vrasjen pasi filluan të përhapeshin thashethemet se ai ishte fajtori.
“Tridhjetë e dy vjet më parë, ju morën nga gruaja juaj dhe foshnja juaj dhe kjo është për shkak se sistemi dështoi në mënyrë katastrofike… tani më në fund, ju keni një shans për të rimarrë jetën tuaj”- tha Boudin teksa dha lajmin për shfajësimin e burrit.
Ndërkohë duke folur nga burgu në San Francisko, Ciria tha: “Ishte e pabesueshme. Nuk mund ta përshkruaj atë ndjenjë…nuk është fjalë. Është sikur të kesh lindur përsëri. Ti e di sikur e gjithë jeta jote po fillon përsëri.” Burimi: UNILAD
