Thuhet se prej më shumë se tre vjetësh qyteti i Kukësit ka filluar të boshatiset, shumë të rinj kanë marrë rrugët e emigracionit, ndërsa rreth 100 të rinj në javë lënë Kukësin duke udhëtuar drejt shteteve të Perëndimit.
Të shumta janë kompanitë turistike që operojnë në treg në transportin e udhëtarëve, të cilët jashtë kamerave pohojnë se numri i të rinjve që lënë Kukësin është i madh. Është bërë e ditur se qarku i Kukësit renditet me numrin më të lartë të emigracionit, ku vetëm në muajin tetor janë 1011 aplikues për pasaportë biometrike, kryesisht të moshave të reja.
Këtë e thonë burime nga Zyra e gjendjes civile Kukës, duke bërë me dije se këtë muaj ka pasur një numër të lartë aplikuesish pasi në Lotarinë Amerikane ka qenë një kusht, që aplikantët duhet të aplikojnë me pasaportë biometrike, por pranë zyrave të gjendjes civile janë paraqitur edhe të rinj që kanë aplikuar.
