I forti i Sukthit ka lënë dyert e spitalit të Durrësit këtë të hënë, 18 ditë pas atentatit në Shkozet, ku mbi të, prokurorin Arjan Ndoj dhe shoferin e ndjerë Andi Maloku, u qëllua me breshëri kallashnikovi.
I njohur me nofkën e “Rrumit”, Aleksandër Laho është larguar nga spitali pasi mjekët kanë kuruar pjesën e fytyrës së tij. Rrumi mori një plumb në nofull teksa ndodhej në makinën e prokurorit Ndoj në momentin kur mbi ta u qëllua me breshëri.
Tashmë pritet që Rrumi të pyetet dhe nga prokurorët që kanë marrë nën shqyrtim dosjen. Mbi atentatin në fjalë vijojnë ende hetimet teksa policia akoma nuk ka arrestuar personat që dyshon se kanë kryer atentatin. Deri më tani në pranga është Redjan Rraja, kushëri i deputetit të PS-së Rrahman Rraja dhe i njohur në zonën e Krujës si ‘dara’.
