Kryeministri Edi Rama ishte sot i pranishëm në prezantimin e projektit për ndërtimin e aksit Milot-Fier duke e konsideruar këtë ‘si ambicie të qeverisë së tij si një pjesë e rëndësishme e “Korridorit Blu” i cili do të lidhë vendet e Ballkanit Perëndimor që kanë dalje në detin Adriatik dhe Jon. “Faktikisht ne e kemi shpallur ambicien tonë për “Korridorin Blu” qysh në krye të herës. Një projekt i cili është vendosur si prioritet gjithashtu ne procesin e Berlinit si dhe eshte bërë i mundur financimi i tij, por që duhet të kalojë në mekanizmat e pashmangshëm të burokracisë europiane. Kjo ka bërë që ne nuk mund të presim në pafundësi dhe zgjodhëm financimin publik privat për dy pjesë të ketij korridori, Milot-Balldren dhe Thuman-Kashar. Të cilat janë sulmuar ashpër këto kohë.
Pakti për Universitetin bëri që fondet e këtij të fundit të alokohen për rritjen e kushteve të studentëve. Ndërkohë që segmenti Milot-Fier nuk e ngarkon shtetin shqiptar me asgjë më shume pasi financimi do të bëhet nga fituesi i kësaj gare. Në këtë mënyrë do të kemi një aks të “Korridorit Blu” shumë i rëndësishëm për lëvizjen e turistëve në rajon. Nëse do të shohim bilancin e vdekjeve dhe plagosjeve në segmentin Milot-Tiranë është për të vënë duart në kokë. Do të jetë një rrugë me pagesë ku nga Morina në Fier do të shkohet për 3 orë. Aksesi i turistëve që do të vijnë nga kosova jo vetëm që do të jetë më i shpejtë por edhe më i sigurtë.” – deklaroi Rama.
