Ervin Salianji i ftuar në emisionin ”Zonë e Lirë” ka folur për çështjen “Babale” që vetë Arian Çani e ka konsideruar si një teatër, që po kthehet në qesharake prej të cilës nuk ka kuptuar asgjë.
Arian Çani-“Çështë ky teatër se nuk kam kuptuar asgjë. Të betohet Ariani. Është bërë një teatër, janë ngatërruar rolet. Çështë kjo histori?”
Ervin Salianji-“Është një histori e rëndë sepse pas daljes së përgjimit një trafikant i dënuar me 7 vite e 4 muaj burg jetonte i lirë në Shqipëri. Agron Xhafaj, vëllai i ministrit Xhafaj ishte i lirë. Iku vëllai i vet ministër nga detyra dhe prokurori që u morr dhe që e çoi çështjen që jam unë sot në gjyq është larguar nga sistemi për shkak të përfshirjes me këto”.
Salianji tregon se tani është i pandehur për shkak se ka denoncuar një aferë kriminale të mafias me qeverinë.
Ervin Salianji-“Unë kam marrë një denoncim nga një gazetar i Jetmir Olldashit që ka investiguar një aferë kriminale korruptive të qeverisë, që më thanë që kemi zbuluar një aferë të madhe. Ne me burimet tona pasi e verifikuam dhe pamë që kishte telefonata dhe diskutime për drogë dhe trafik vendosëm ta publikonim dhe pati këto pasoja duke i dhënë një interes publikut”./tvklan.al
