Si pasojë e ate.nt.atit ndaj kryebashkiakut të Lushnjës Fatos Tushe, ka mbetur e pla.gosur edhe sekretarja e tij Erisa Qalliu. Të dy u goditën nga gra.nata që ish-shoferi i bashkisë, Gëzim Saraçi, hodhi brenda zyrës së kryebashkiakut.
Sipas informacioneve paraprake, sekretarja e ka lejuar ish shoferin ta presë kryebashkiakun në zyrën e këtij të fundit për shkak të afërsisë dhe njohjes së tyre të vjetër. Madje Saraçi e ka porositur Erisën, që të mos lejonte njeri tjetër të hynte në zyrë, pas Fatos Tushe ka mbërritur aty.
Kur të dy mbetëm vetëm plasi një sherr dhe tonet u ngritën. Sekretarja Erisa Qalliu ka hapur derën e zyrës për të parë çfarë po ndodhte ndërsa Gëzim Saraçi, ka hequr siguresën e granatës dhe e ka hedhur atë. Për pasojë nga shpërthimi, sekretarja është dëmtuar më së shumti në gishta edhe në fytyrë. Qalliu, rreth 30 vjeç, është e martuar dhe nënë e një fëmije.
