Një çantë e dyshimtë është pikasur në orët e mesditës së sotme te bulevardi “Bajram Curri” pranë ambasadës ruse në Tiranë.
Çanta ka alarmuar kalimtarët të cilët menjëherë kanë njoftuar policinë. Kjo e fundit ka mbërritur në vendngjarje duke rrethuar zonën. Ajo më pas ka hapur çantën në brendësi të së cilës kishte vetëm disa rroba trupi.
“Më datë 05.06.2020, rreth orës 15:00, në vendin e quajtur bulevardi “Bajram Curri“, në afërsi të një objekti të rëndësisë së veçantë është gjetur një çantë e dyshimtë, ngjyrë e zezë, e cila u hap nga shërbimet e Komisariatit të Policisë Nr.2, dhe në brendësi të saj kishte disa rroba trupi. Grupi hetimor vijon punën për zbardhjen e rrethanave të ngjarjes”, njofton policia.
