Sokol Cikalleshi nuk mungoi me gol këtë fundjavë në kampionatin turk. Sulmuesi shqiptar realizoi në minutën e 83’ në humbjen 2 – 1 të Konyaspor me vendin e parë Trabzonspor. Cikalleshi hyri në fushë vetëm në minutën e 63’, duke mos patur shumë kohë për të shënuar gola të tjerë. Futbollisti shqiptar, i cili sapo ka rinovuar kontratën me skuadrën nga Konya deri në 30 Qershor të 2024 ka shënuar 4 gola në këtë sezon.
Konyaspor po lufton për një vend në kupat e Europës. Paraqitje e mirë edhe për Nedim Bajramin në Serie A. Mesfushori me tipare sulmuese dha asist për golin e skuadrës toskane ndaj Cagliari në ndeshjen që përfundoi në barazim 1 – 1. Në Hungari këtë fundjavë shënoi Ylber Ramadani. Falë tij MTK Budapest mori pikë të rëndësishme me fitoren 2 – 1 në fushën e Akademia Puskas. Tv Klan
