Në festën e Çlirimit të Dibrës dhe krijimit të Brigadës XVIII, mes veteranëve, ish-partizanëve dhe familjarëve të të rënëve në luftë, kryetari i Kuvendit Ruci kujtoi dëshmoren 17-vjeçare, heroinën e dy popujve, atij shqiptar dhe maqedonas që sipas tij tregon qartë rrënjët e miqësisë që zhvillojnë respektin tonë të ndërsjelltë për komunitetet dhe grupet etnike si dhe aspiratën e përbashkët për t’iu bashkuar familjes europiane.
Sipas Ruçit, “Lufta kundër nazi-fashizmit e tradhëtarëve të atdheut nisi si një rezistencë popullore dhe çlirimi i Shqipërisë u kurorëzua me fitoren e një ushtrie të rregullt, me brigada, divizione e korparmata.Idetë, ndjenjat dhe rezistenca antifashiste e popullit shqiptar nuk do të kishin çliruar Shqipërinë të vetme, pa krijimin dhe betejat e përgjakshme të Ushtrisë partizane, këtij uragani luftarak antifashist dhe çlirimtar.”
Hibe Palikuqi ishte vajza heroinë që dha jetën më 23 shtator 1944, në luftimet që zhvilloi Brigada XVIII Sulmuese për çlirimin e Kërçovës. Çlirimi i Peshkopisë dhe gjithë Dibrës u bë mē 23 gusht 1944, beteja në malin e Korabit,shpartallimi i forcave kolaboracioniste në Kalanë e Dodës dhe në Lumë, çlirimi i Kërçovës, Kukësit, Prizrenit ishin vepra të Brigadës XVIII.
“Në këtē ditë të shënuar për Peshkopinë, Dibrën dhe gjithë Shqipërinë, në kuadrin e 75 vjetorit të çlirimit të atdheut tonë të dashur, ështē rasti të rikujtoj se trimëria, mençuria dhe ndershmëria e njerêzve të Dibrës ka qenë dhe mbetet një gur i çmuar dhe një aset i pazëvëndësueshëm për lirinë, demokracinë, zhvillimin dhe mirëqenien e Shqipērisë e të shqiptarëve”, shkruan Ruçi.
