Para një gjykate në Spanjë kanë dalë 11 persona, mes tyre dhe shqiptarë, të cilët akuzohen për trafik droge, ndërsa Prokuroria kërkon deri në 4-9 vjet.
Akuza vjen pas hetimeve të kryera nga Shërbimi i Mbikëqyrjes Doganore, që është pjesë e Agjencisë Tatimore, dhe nga Policia Kombëtare Spanjolle dhe Garda Civile.
Sipas hetimeve, të pandehurit ruanin lloje të ndryshme droge, si kanabis, hashash dhe heroinë, për t’u shpërndarë në provincën e Pontevedra, në Galicia.
Zyra e Prokurorit Publik spanjoll pohon se ishte “një aktivitet i qëndrueshëm dhe i strukturuar midis të gjithëve, në të cilin secili kishte detyra specifike” për shfrytëzimin e plantacioneve të kanabisit.
Në kuadër të hetimeve u sekuestruan edhe drogë të tjera.
