Policia italiane ka arritur të sekuestrojë 100 kilogramë drogë si dhe arrestimin e 10 personave, ku tre prej të cilëve rezultojnë të jenë shqiptarë.
Sipas mediave vendase mësohet se gjatë një operacioni të gjerë të Guarda di Finanzës të Torinos, u bë e mundur çmontimi i organizatës kriminale të cilët kishin shtrirë biznesin e tyre në provincat e Torinos dhe Asti dhe me degësime në Lombardi, Veneto, Toskanë, Siçili dhe Sardenjë.
Gjatë operacionit u bë i mundur sekuestrimi i 100 kilogramë drogë që dyshohet se do të sillte të ardhura të paligjshme prej 20 milionë eurosh. Sasia e drogës ishte fshehur në djathin parmixhano.
Çmontimi i kësaj bande kriminale u bë i mundur falë përgjimeve telefonike dhe mjedisore. Sipas provave të mbledhura mësohet se grupi përbëhet nga një bos 37-vjeçar me kombësi shqiptare dhe nënë persona të tjerë, ku 7 janë italiane dhe 3 shqiptarë.
Organizata e pajisur me burime të mëdha ekonomike, ka rezultuar në hipotezën e prokurorisë duke përdorur sisteme të testuara për t’i bërë komunikimet midis bashkëpunëtorëve konfidencialë si dhe vende të ndryshme për t’u përdorur si depo magazinimi.
Në dritën e të dhënave të mbledhura nga Financierët, u bë e mundur të rindërtohej se si shoqata nën hetim ishte në gjendje të organizonte operacione funksionale për mbajtjen, ndalimin dhe transportin e lëndëve narkotike në nivel kombëtar dhe ndërkombëtar.
Kjo nëpërmjet: prokurimit të sasive të mëdha të kokainës nga jashtë, veçanërisht nga Holanda, me transport të mëvonshëm në bordin e kamionëve të artikuluar;shpërndarja në rajone të ndryshme (Piemonte, Lombardia, Veneto, Toskana, Siçilia dhe Sardenja), nëpërmjet “korrierëve” dhe përdorimit të një flote të madhe automjetesh (në pronësi ose me qira). Ata do të ishin marrë edhe me rikuperimin e të ardhurave nga aktivitetet e paligjshme.
