Një 22-vjeçare nga Gjilani ka humbuir jetën sot si pasojë e Covid-19. Lajmin për Gazetën Express e ka konfirmuar drejtori klinik i Spitalit të Gjilanit, Ukshin Ismajli.
Ai tha se 22-vjeçarja fillimisht ka kërkuar ndihmë në Spitalin e Gjilanit, por është dërguar në QKUK për shkak të gjendjes së saj të rënduar.
“Po ka vdekur sot. Ka ardhur tek ne por për shkak të gjendjes është dërguar në QKUK. Ka vdekur sot në mëngjes. I shprehi ngushëllime familjes së saj dhe të gjithë familjarëve që i kanë humbur të dashurit e tyre nga ky virus”, tha Ismajli. Kujtojmë se në 24 orët e fundit u shënuan 28 v iktima nga koronavirusi në Kosovë.
