Bashkia e Vlorës ka nisur zbatimin e paketës së ndihmës për të moshuarit e vetmuar, në kuadër të masave në luftën kundër COVID-19.
Në një njoftim për shtyp bashkia bën te ditur se stafi bashkisë, institucioneve të varësisë dhe ato shëndetësore do të jenë në gatishmëri për të ndihmuar të gjithë të moshuarit në nevojë.
“Nëse jeni apo njihni një familje të moshuarish në nevojë kontaktoni në nr e tel: +355 696718681. Ju qëndroni në shtëpi, ne ju vijmë në ndihmë”.
Pensionistët kryefamiljarë do të kenë tashmë ndihmat e para për të përballuar situatën e krijuar nga rreziku i virusit COVID-19. Ndihmat do të përmbajnë kryesisht produkte ushqimore bazë dhe detergjentë.
