Djali i kryeministrit Edi Rama, Gregu ka zbuluar se është infektuar me koronavirus dhe ndodhet në gjendje të mirë shëndetësore pas trajtimit që mori në spitalin e “Shefqet Ndroqit” ndërsa po vijon kurimin në shtëpi. Në një reagim publik, Rama falenderon stafin mjekësor duke thënë se kjo sëmundje e bëri që ti rritej respekti dhe besimi tek ata që ndodhen në vijën e parë të zjarrit me këtë luftë.
“Një falenderim mjekëve që u kujdesën për mua dhe mbi të gjitha respekt për mjekët dhe infermieret e Senatoriumit. Ndjej detyrimin t’ua shpreh publikisht në kushtet kur realisht po punojnë nën një stres të paparë dhe çfarë nuk po detyrohen të dëgjojnë!
Për fat të mirë pas analizave që më morën në spital dhe trajtimit që mora në shtëpi ndjehem shumë më mirë fizikisht dhe mendërisht. U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë!
Uroj të shkuara dhe shërim sa më të shpejtë gjithë atyre që po përballen me këtë virus të pabesë!”, shkroi Greg Rama.
