Greqia ka nisur procesin e vaksinimit dhe e para që ka marrë dozën është një infermiere që shërben në kujdesin intensiv, Efstathia Kampisiouli. Sapo u vaksinua, ajo ngriti gishtin lart në shenjë ‘Ok’ për të treguar se është në gjendje të mirë.
“Sot është dita e parë e numërimit për të rikthyer përsëri jetën tonë,” tha Ministri i Shëndetësisë Vassilis Kikilias, i cili shkoi në Spitalin Evangelismos më herët.
Pas infermieres, pritet të vaksinohet një person i moshuar dhe më pas do të vijojnë grupet e tjera hap pas hapi. Në të njëjtin spital do të vaksinohet edhe Presidentja Katerina Sakellaropoulou (14:00), më pas Kryeministri Kyriakos Mitsotakis (14:30) dhe profesori i Patologjisë-Sëmundjeve Infektive Sotiris Tsiodras (14:45).
