Në botën e njerëzve po bëhen aq shumë të këqija, saqë ndonjëherë përmendet fraza që as kafsha nuk e bën këtë siç e bënë njerëzit. Të gjithë e dimë që kafshët veprojnë nëpërmjet instikteve, pasi nuk kanë në sistem të zhvilluar mendor. Por dashuria e madhe e tyre për të vegjlit ka treguar që në shumë raste janë më të dashur se sa vetë njerëzit.
Elefantët për shembull, i mbajnë fëmijët pas vetes deri në moshën gjashtë vjeçare, por vazhdojnë të kujdesen edhe kur janë 16 vjeç. Bota e gjitarëve është plot me çaste të ngrohta që kujtojnë dashurinë e nënës për të vegjlit, edhe te kafshët më të egra.
Mund të duket e çuditshme kur shikojmë një luaneshë duke përqafuar të voglin e saj, apo një ari që mban mbi shpinë arushin e vogël. E gjithë kjo është një proces dashurie dhe përkujdesjeje që kanë kafshët për të vegjlit e tyre derisa ata rriten.
