Legjendat e kinematografisë amerikane rikthehen në vjeshtë në Netflix, regjisori Martin Scorsese, aktorët Robert De Niro, Joe Pesci dhe Al Pacino në filmin e ri “The Irishman” u njoftua se ka premierën në 27 shtator të këtij viti, publikuan dhe promon e parë të filmit. Filmi për njërën prej ngjarjeve më të përfolur amerikane dhe që është shndërruar në folklor tani, vrasja e Jimmy Hoffa. Për shkak të moshës së shtyrë të yjeve është shfrytëzuar efekti special për të i rinuar dukjen e aktorëve për shkak se ngjarja e tregimit shpaloset në disa dekada. Filmi është plotë me fitues të çmimit oskar, vetë legjenda Scorsese, De Niro, Pacino, Pesci dhe skenaristi Steven Zaillian.
Bashkëpunimi i këtyre dy figurave të mëdha të kinematografisë amerikane ka nisur që në vitin 1973 me filmin “Mean Streets” dhe ka vazhduar me filma të vlerësuar si “Taxi Driver”, “Raging Bull” e “Goodfellas”. Ky do të jetë filmi i dhjetë mes tyre, por edhe filmi i parë pas 15 viteve ku këta të dy kanë punuar së bashku. Film i tillë nga Scorsese i kësaj pritshmërie nuk mund të ftohej edhe i famshmi Joe Pesci që mbetet ikonë e filmave me gangsterë të Scorseses dhe De Niros.
Çka e bënë edhe më joshës këtë film është se në njërin prej roleve kryesore është edhe Al Pacino, tjetër ikonë e filmit amerikan. Ky do të jetë bashkëpunimi i parë i tij me regjisorin Martin Scorsese dhe i treti me Robert De Niron. Ky do të jetë filmi më i shtrenjtë i prodhuar nga kompania Netflix.
