Nënkryetari i OVL-UÇK’së, Nasim Haradinaj është arrestuar para pak minutash nga hetuesit e Prokurorisë Speciale. Haradinaj para momentit të arrestimit ka thënë se refuzon të hipë në makinën e EULEX’it por vetëm në veturat e policisë së Kosovës. “Nuk shkoj me ta, vetëm me policinë e Kosovës”, tha Haradinaj
Më pastaj nënkryetari i veteranvë është shoqëruar nga policët e Kosovës drejt makinës së tyre. Kujtojmë se vetëm pak momente para arrestimit, Haradinaj u shpreh në një porononcim përpara mediave, se nuk e njeh Gjykatën Speciale.
“Ne nuk e njohim këtë gjykatë. Kjo çfarë ka ndodhur sot na bën të mendohemi se a kemi shtet, a kemi organe shtetërore, a kemi parlament, edhe pse e dimë çfarë e kemi. A kemi Kushtetutë? A ka të drejtë dikush të hyjë në dhomën e gjumit pa trokit, as në zyre nuk bën të hyjë askush pa trokit. EULEX sillet kështu me neve sepse nuk na konsideron njerëz, nuk na intereson të denjë. Specialja nuk është e Kosovës”, kishte thënë ai.
