Personi që shihni në foton e mëposhtme dyshohet se është autori i vrasjes së 58-vjeçarit Renato Hoxhaj, i cili u ekzekutua në orët e para të mëngjesit të 27 Prillit në lagjen “Hajro Çakërri” të Vlorës.
Ai është filmuar nga një kamer sigurie pranë zonës ku ndodhi krimi, teksa shfaqet i veshur me të zeza, me kapele në kokë, teksa fytyrën e ka mbuluar me një maskë kirurgjikale. Këto detaje kanë bërë që grupi hetimor të dyshojë se personi i cili është filmuar nga kamerat e sigurisë, është vrasësi i Renato Hoxhajt.
Burime për mediat pranë grupit hetimor bëjnë me dije se Policia e Vlorës është pranë zbardhjes së kësaj ngjarjes, teksa autori dyshohet se është larguar nga territori shqiptar, pasi ka kryer krimin.
Mbrëmjen e djeshme u shoqëruar edhe një person, identiteti i të cilit ende nuk dihet, i cili dyshohet se ka ndidhmuar autorin për t’u larguar me makinë nga vendi i ngjarjes.
Dyshohet se Renato Hoxhaj ka qenë informator për një grup kriminal në qytetin e Vlorës dhe të jetë ekzekutuar nga grupi kundërshtar. Po ashtu dyshohet se porosia për vrasjen e tij të ketë ardhur nga jashtë vendit.
Vrasësi i Renato Hoxhajt është tradhtuar nga i celulari i personit që i dha mjetin e përdorur në krim.
Makina me të cilën lëvizi autori u identifikua nga Policia e Vlorës përmes kamerave të sigurisë, ndërsa mjetit raportohet se iu ishin ndërruar edhe targat, që dyshohen se ishin të vjedhura.
Automjeti raportohet se iu ishte dhënë vrasësit nga E.M, para krimit të ndodhur në Vlorë.
E.M është ndaluar nga policia në Tiranë dhe iu është sekuestruar një telefon ku janë gjetur biseda, të cilat kanë ndihmuar grupin hetimor në identifikimin e autorit të dyshuar.
Atentatori dyshohet se është larguar ilegalisht drejt Greqisë.
