Pas replikave në distancë mes dy palëve politike për rastin e efektives së policisë, e cila u dëmtua gjatë përplasjes me protestuesit para Kuvendit, ku ish-kryeministri Berisha publikoi një foto sipas të cilës efektivja nuk kishte humbur gishtat, ndërsa kreu i grupit të PS-së Balla, përgënjeshtroi duke publikuar një foto të efektives I.N., ka reaguar edhe ish-ministri i Brendshëm Saimir Tahiri.
Me anë të një postimi në rrjetet sociale, Tahiri shkruan: “Kurre mos ardhte me dita kur politika i bie ne kurriz policit, kaq dhunshem sa sot!
Njeri e gjumton ne rruge, tjetri i thote “ndrikull”, tjetri akoma i thote “vete i fute duart te fishekzjarri””.
Më tej ai i uron shërim të shpejtë efektives ndërsa shkruan: “Ne krahun tend Ina! Shperim te shpejte.
Ate qe ben ti dhe koleget e tu ne nje dite pune, keta palaco se kane bere ne 25 vjet te marra bashke…e sot taksirati yt, duroj edhe keta bashke me dhimbjen.
Te jam prane me shpirt!”
