Categories Lajme

Denoncimi i Fiks Fare/ Shtohen rastet e mashtrimit, 1500 euro për kontrate pune në Suedi

Mashtrimi për punësim në vendet e Europës është fenomeni më i fundit, ku mijëra shqiptarë e kanë pësuar.

Në javët e kaluara, Fiks Fare tregoi me zë dhe figurë, sesi agjencia e punësimit B&M Group në Tiranë mashtronte shqiptarët se u siguronte kontrata pune për në Angli. Telefonata të shumta vazhdojnë të mbërrijnë në redaksinë e Fiksit për këtë agjenci.

Ndërkohë, një rast tjetër mashtrimi, ka mbërritur në redaksinë tonë, që bën fjalë për punësim në Suedi. Kësaj radhe, një person hiqej sikur siguronte kontrata pune në veri të Europës. Skema është e njëjtë, e denoncuar disa muaj më parë nga Fiks Fare. Personi merrte paratë, u linte mjetet e identifikimit qytetarëve dhe zhdukej.

Mashtruesi i ka marrë 1500 euro një qytetari, të cilin do e punësonte shofer te i vëllai në Suedi. Ai i ka dhënë 1500 euro, ndërkohë që mashtruesi për t’u bërë i besuar i ka lënë pasaportën dhe certifikatën e tij. Por, personi nuk shkoi kurrë në Suedi, ndërsa qytetari tashmë ka në dorë vetëm pasaportën e mashtruesit.

Një 40 vjeçar tha për Fiks Fare se në vitin 2018 ka rënë pre e mashtrimit nga një person i quajtur Emirjan Gilani për vizë pune në Suedi.

“Gilani më tha se ka vëllanë në Suedi dhe ka një kompani të regjistruar në atë vend. Vendi i punës ishte shofer kamioni, ndërkohë që Emirjan Gilani më ka kërkuar një shumë prej 1500 euro” thotë denoncuesi.

Më tej saktëson se e ka takuar disa herë këtë person. Madje, ai i ka mbushur mendjen se vërtetë kishte vëllanë në atë vend.

“I kam dhënë plot 1500 euro. Mashtruesi për t’u bërë i besuar, më ka lënë pasaportën dhe certifikatën e tij” vijon ai, teksa në dorë ka vetëm mjetet e indetifikimit të këtij personi. “Më shkroi edhe një copë letër ku saktësonte se më mori këtë shumë borxh dhe do mi kthente për disa javë. Jo disa javë, po kanë kaluar vite edhe unë s’kam marrë kurrë paratë e mia” përfundon denoncuesi.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Mbërrin sonte në Shqipëri Zelenskyy

Presidenti i Ukrainës, Volodymyr Zelenskyy, do të mbërrij mbrëmjen e sotme në Shqipëri. Kreu i…

LEXO ME SHUME
Categories Lajme

Parashikimi i motit, 27 Shkurt 2024

Territori shqiptar, do të jetë nën ndikimin e kushteve të qëndrueshme atmosferike, ku moti i…

LEXO ME SHUME
Categories Lajme

Pamje/ Tritol në banesën e Ilir Kociljas, reagon edhe Policia e Durrësit

Një shpërthim i eksplozivi ka ndodhur mbrëmjen e sotme në Durrës. Ngjarja mësohet se ka…

LEXO ME SHUME
Categories Lajme

Abuzimi seksual i 19-vjeçares, shkak i vrasjes së babait nga fëmijët? Zbardhet ekspertiza mjeko-ligjore

Pas aludimeve se 19-vjeçarja Hygerta Meta ka vrarë dhe groposur babain për shkak se ai…

LEXO ME SHUME
Categories Lajme

Vrasja e Pëllumb Metës, flet gruaja e tij: Fëmijët ishin në gjendje depresioni…

Blerina Meta, bashkëshortja e Pëllumb Metës që u vra nga fëmijët e tij ka dhënë…

LEXO ME SHUME