Një punonjës i anti-dogës denoncoi se operacioni policor në Has është dekonspiruar.
Sipas denoncimit të tij, të bërë publik nga Sali Berisha, janë kapur vetëm rojet e laboratorit ku u gjetën të paktën 150 kilogramë drogë, si heroinë dhe opiom, ndërsa bosët e vërtetë janë biznesmenë e politikanë.
Punonjësi i antidrogës, që ka preferuar të mbetet anonim, deklaron se laboratori në Has ka 3 vjet që funksionon dhe për këtë kanë patur dijeni edhe autoritetet policore locale.
Postimi:
Narkopolicia informoi boset e rrjetit te fabrikes se heroines ne Has!
Vodhi 160kg opium te paster me te cilin prodhoheshin 3.2 ton heroine!
Lexoni mesazhin e qytetarit dixhital. sb
Pershendetje dr jam punanjes i antidroges nga lista prej 13 bosvedhe lejtenantve te ketij grupi,biznismene,politiksne,deputet etj nuk esht arrestuar asnjeri operacioni u dekonspirua plotesisht pa filluar ndaj u arrestuan vetem tre antaret e familjes Shuti qe punonin ne Fabrike dhe kishin detyre dhe ruajtjen e saja.
Ne fabrike jane gjetur 260 kg opium i paster por 160 kg u zhduken pa gjurme,po sqaroj ketu se me nje kg opium nxiren 20 kg heroine e zakonshme pra vetem me sasine e lendes se pare qe u gjende ne fabrike prodhoheshin 5200 kg heroine
Se fundi i nderuar Doktor fabrika në Has është ce 3 vjet dhe me dijeni te plote dhe nen kujdesin e shefit te komisariatit Has it dhe kryetarit bashkisë adem lala,te cilet kishin pjesen e tyre te fitimit, anonim ju lutem
Një shtetas i huaj është arrestuar nga policia në lidhje me laboratorin e heroinës në Has. Burime nga policia thanë se i arrestuari është një shtetas turk, që jetonte në vendin tonë si biznesmen.
Një ditë më parë Lapsi.al njoftoi se drejtuesit e trafikut të heroinës janë 3 turq dhe një shqiptar, të shpallur në kërkim ndërkombëtar.
Policia dhe prokuroria shqiptare po vijojnë hetimet për kapjen e anëtarëve të rrjetit të heroinës që përpunohej në një laborator të zbuluar në Has.
Laboratori ishte ngritur në një shtëpi të fshatit Brenogë i cili lidhet me qytetin përmes një rruge të paasfaltuar.
Në brendësi të tij, policia gjeti të paktën 160 kallëp droge, të dyshuar heroine, e paketuar dhe e gatshme për transport. Bëhet fjalë për të paktën 150 kilogramë.
Po ashtu janë gjetur dhe lëndë e material të tjera që shërbenin për përpunimin e heroinës, mes tyre dhe boçe opiumi.
Deri më tani janë vetëm 5 persona të arrestuar, nga të cilët tre anëtarë të familjes ku ishte ngritur laboratori.
Informacionet zyrtare janë tejet të rezervuara, ndërsa theksohet se po punohet për kapjen e drejtuesve të rrjetit.
Ende është e paqartë se nga vinte lënda e parë, itinerari dhe destinacioni i heroinës që prodhohej në Has.
