Kujtim Gjuzi, deputeti i opozitës parlamentare ka publikuar një fotografi tepër provokuese në rrjete sociale. Me snajper në dorë, ka ndaluar në një rrugë në Lin të Pogradecit, ndërsa mbetet e paqartë se cila është shënjestra e tij. Nuk dihet se kujt i përket arma dhe si përfundoi në duart e Gjuzit, i cili shpesh herë komentohet në media dhe rrjete sociale për veprimet e tij në parlament, por jo vetëm.
Kujtojmë se deputeti Gjuzi ishte pjesë e listës së deputetëve që morën nga 600 mijë lekë deri në 1.2 milionë lekë për dieta dhe karburant gjatë pandemisë. Pasi u zbulua se kishte marrë 31,214 lekë për karburant dhe 37,625 lekë për dietë gjatë periudhës së karantinës, Gjuzi tha se rrogën e tij si deputet ia ka dhuruar për familjen e viktímave nga tërmeti.(A.M/Faxweb.al)
