Dy vite më parë Valon Berisha u transferua nga Red Bull Salscburg tek Lazio për shifrën e 7.5 milionë euro.
Drejtori sportiv i bardhekaltërve, Igli Tare besoi tek aftësitë e mesfushorit kosovarë por ky i fundit nuk përligji me aftësitë e tij në fushën e lojës vullnetin e klubit Lacial. Këtë sezon Berisha ka luajtur shumë pak dhe i gjendur në këtë situatë shqiptari ka arritur marrëveshjen me klubin e Fortuna e Duuseldorfit.
Mësohet se dy klubet kanë arritur marrëveshjen për formulën e transferimit, huazim me të drejtë blerjeje në fund të sezonit, dhe orën në vazhdim pjesëtari i përfaqësueses së Kosovës do t’u nënshtrohet vizitave mjekësore te skuadra e re.