Detaje të reja kanë dalë nga celula terroriste e cila do të kryente një akt terrorist në ditën e Sulltan Novruzit më 2018. Mësohet se një nga terroristët e identifikuar si Erwin ARAM, ka hyrë disa në herë Shqipëri me pasaportë austriake. Teksa hynte në Shqipëri, Aram merrte informacion kur takonte anëtarë të familjes. Po kështu në hyrjen e fundit në shtetin shqiptar, Policia ka tentuar për ta ndaluar.
Theksojmë se grupi ndihmohen nga një i infiltruar në kapin e muxhahedinëve. Deri më tani për këtë ngjarje janë pyetur dhe shoqëruar mbi njëzetë iranianë jashtë dhe brenda vendit. Një ditë më parë policia e Shtetit dhe drejtori Ardi Veliu deklaruan se policia ka zbuluar një celulë terroriste iraniane e cila ka tentuar të kryejë akte terroriste në Shqipëri, një prej tyre i parandaluar nga shteti shqiptar.
Katër persona janë identifikuar nga policia, si pjesë e grupit operativ që vepruan në emër të shtetit iranian dhe QUDS, për të sulmuar anëtarët e komunitetit muxhahedinë, që strehohen në Shqipëri. Për këtë akt të rëndë, kryeministri Edi Rama dëboi ambasadorin iranian Gholamhossein Mohammadnia, për cenim të sigurisë kombëtare.
Personat e përfshirë në celulën terroriste:
1. PEYMAN – Nuk jepen të dhëna të tjera.
2. Abdolkhalegh MALEK ZADEH, i datëlindjes 21 Prill 1979. Njihet si “Ferhat”.
3. Erwin ARAM, i datëlindjes 13 Korrik 1974. Njihet si “Alireza NAGHASHZADEH”.
4. Abdulselam TURGUT, i datëlindjes 27 Maj 1967.
