Gazetari Zekirja Mexhiti ka konfirmuar mbrëmjen e sotme se janë të paktën 8 viktima të konfirmuar nga zjarri që ra mbrëmjen e sotme në spitalin e Tetovës.
Sipas gazetarit dyshohet se zjarri erdhi si pasojë e shpërthimit të një bombule oksigjeni. Flakët janë përhapur me shpejtësi dhe kanë shkrumbuar spitalin brenda disa minutash.
Më tej, Mexhiti thotë se spitali ishte i mbipopulluar nga pacientë të infektuar me Covid-19, pasi që Maqedonia e Veriut po përballet me një valë të katërt të virusit.
“Është një tragjedi mjat e madhe për Tetovën, qyteti i dytë më i madh shqiptar në Maqedoninë e Veriut. Ky spital ka qenë për trajtimin e personave të infektuar me Covid-19. Numri i konfirmuar është 8, por burimet bëjnë me dije se numri është më i madh.
Zjarri dyshohet se ka ardhur nga një spërthim i bombulave të gazit. Ky është një infiormacion ende i pakonfirmuar. Kemi të bëjmë me një spital ku trajtoheshin pacientë të infektuar me Covid-19. Spitali ka qenë i mbingarkuar me pacientë për shkak të një vale të katërt të pandemisë. Bëhet fjalë për shkrumbim total të këtij spitali. Për disa minuta zjarri ka shkrumbuar spitalin”, tha ai.
