Një zjarr i madh ka shpërthyer në spitalin mobil për Covid-19 në Tetovë. Mediat në Maqedoni raportojnë se spitali është djegur tërësisht derisa zjarri është ende aktiv në disa pjesë të objektit. Alsat raporton se dyshohet për vi ktima si nga pacientët edhe nga stafi mjekësorë.
Përveç ekipeve të zjarrfikësve në vendin e ngjarjes ka edhe turma të shumta të qytetarëve të cilët kanë shkuar të kontrollojnë gjendjen e familjarëve të tyre të cilët ishin duke u trajtuar në këtë godinë. Ende nuk dihen shkaqet e zjarrit të sotëm.
Para disa jave në të njëjtin spital kishte pasur tentime për të dëmtuar rrjetin e oksigjenit, pas çka policia arrestoi një 42-vjeçar nga fshati Zhelinë në Tetovë.
Ministria e Shëndetësisë njofton ka viktima nga shpërthimi i ndodhur brenda spitalit COVID në Tetovë që shkakoi më pas edhe një zjarr në të gjithë godinën. Zjarri tashmë është shuar dhe të gjitha ekipet nga spitali janë mobilizuar për të ndihmuar të lënduarit e mbijetuar.
Të gjithë po transportohen urgjentisht në Shkup për tu siguruar kujdesin e duhur mjekësor. Po ashtu në vendin e ngjarjes ndodhet edhe ministri i Shëndetësisë, Venko Filipçe për të ndjekur nga afër zhvillimet.
