Një aksident me vdekje ka ndodhur në Devoll mbrëmjen e djeshme ku një makinë është përplasur më një motor, e për pasojë ka humbur jetën ky i fundit. Policia ka bërë të mundur arrestimin e drejtuesit të mjetit, 30-vjeçarit Adi Koçileri, i cili shkaktoi aksidentin fatal teksa mësohet se viktima është 77-vjeçari Admir Shehu.
Informacion– Në vijim të informacionit paraprak datë 24.08.2021, ju informojmë se specialistët e Sektorit për Policinë Rrugore në DVP Korçë, bënë arrestimin në flagrancë për veprën penale “Shkelja e rregullave të qarkullimit rrugor” të shtetasit Adi Koçileri, 30 vjeç, banues në fshatin Hoçisht, Devoll, pasi mbrëmjen e djeshme, pranë kryqëzimit të fshatit Cangonj, Devoll, ky shtetas duke drejtuar mjetin tip “Benz”, është përplasur me mjetin motor tip “Piaggio”, pa targa, me drejtues shtetasin Admir Shehu, 77 vjeç, banues në fshatin Cangonj, Devoll, i cili për pasojë ka gjetur vdekjen e menjëhershme. Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme
