Dardhat dhe mollët janë ideale për tu konsumuar gjatë një diete, për shumë arsye.
Molla përmban fibra dietetike, të cilat japin ndjenjën e ngopjes, pengojnë oscilimin e nivelit të sheqerit dhe shumë ngadalë shndërrohen në yndyra. Këto fruta janë thesare kryesore të vitaminave A dhe C, kaliumit dhe likopenit antioksiduesit më të fuqishëm, i cili zvogëlon rrezikun nga sëmundjet kardiovaskulare. Përveç kësaj, në 100 gramë mollë dhe dardhë gjenden 60 kalori, prandaj janë të përsosura për dietë.
Dieta zgjat pesë ditë, por mund ta përsëritni pasi të keni bërë dy ditë pushim. Harrojini ëmbëlsirat, bukën e bardhë, djathërat me yndyrë dhe jepini përparësi mishit të pulës, peshkut, pemëve, perimeve dhe drithërave integrale.
Nga yndyrat, mund të përdorni vetëm vajin e ullirit, ndërsa nga shtesat piper dhe bimë me aromë. Çdo mëngjes, menjëherë pas zgjimit, pini një gotë ujë të vakët.
Mos anashkaloni vaktet. Hani mëngjes jo më vonë se një orë pasi të jeni zgjuar, sepse në këtë mënyrë përshpejtohet metabolizmi dhe ju mund të humbisni rreth 5 kg. Konsumoni dardha dhe mollë secilën ditë derisa të jeni në këtë regjim ushqimor dhe mos i zëvendësoni me fruta të tjera.
Menuja pesëditore
Dita e parë
Mëngjesi: ½ mollë e kuqe dhe 250 ml qumësht me 0.5 % yndyrë, 1 dardhë
Dreka: 2 vezë të ziera, 250 g perime të përziera, të cilave u shtoni vaj ulliri, limon dhe uthull dhe 40 g bukë integrale
Darka: 150 g fileto pule të pjekur, 40 g bukë integrale, një filxhan jogurt, lëng nga molla dhe dardha.
Dita e dytë
Mëngjesi: Sanduiç nga buka integrale dhe 100 g mish pule 250 ml lëng të freskët molle
Dreka: 200g file peshku, 150 g molla të tharta të përgatitura me një patate, 40 g bukë integrale, 1 dardhë
Darka: 120 g peshk dhe 250 g sallatë misri dhe karota me vaj ulliri, uthull dhe lëng limoni.
Dita e tretë
Mëngjesi: Jogurt frutash, 1 mollë dhe 1 dardhë
Dreka: 100 g spageti me 150 g salcë bolonjeze, mollë e pjekur
Darka: 250 mish viçi i pjekur me sa më shumë perime të ndryshme, 40 g bukë integrale, 1 dardhë.
Dita e katërt
Mëngjesi: Një filxhan kos, 1 dardhë
Dreka: 200 g peshk, 150 g sallatë sezonale të plotësuar me lëng limoni dhe vaj ulliri, 40 g bukë integrale, lëng molle dhe portokalli
Darka: 100 g djathë, 100 g patate të ziera, 1 dardhë
Dita e pestë:
Mëngjesi: Sanduiç nga buka integrale, 1 filxhan kos, 1 mollë dhe 1 dardhë
Dreka: 200 g oriz pilaf dhe mish pule, spec të pjekur të plotësuar me vaj ulliri, hudhër dhe uthull, 40 g bukë integrale, lëng molle
Darka: 120 g peshk të pjekur, 250 g sallatë misri të spërkatur me limon, 40 g bukë integrale, 1 dardhë.
Mollët pastrojnë organizmin dhe nxisin funksionin e mëlçisë dhe fshikëzës. Dardha në mënyrë natyrale rregullon nivelin e sheqerit në gjak, gjë që e bën atë një frut ideal për dieta.
