Gjatë natës është djegur në garazh makina e drejtoreshës së Tatimeve në Vlorë, Anjeza Shikos. Ngjarja ka ndodhur në zonën e ‘Plazhit të Vjetër’, te lagja ‘1 Maji’. Automjeti i djegur është në pronësi të babait të drejtoreshës së Tatimeve, Muhamet Çota, por përdorej nga vajza e tij.
Lidhur me ngjarjen ka folur babai i saj, i cili ka treguar momentin kur autori, i maskuar dhe me kapele hyri në garazh ku ishte makina, i hodhi benzinë në pjesën e parë dhe më pas i vendosi flakën.
“Ngjarja mund të ketë ndodhur mbrëmë rreth orës 22:15. Në kamerat e sigurisë pashë që diskush kishte hyrë në garazh, i maskuar, me kapele dhe kapuç gri, hodhi benzinën e vuri flakën. Mbaroi punë e u kthye andej nga hyri. Neve na njoftoi një komshi që kishte parë tym në garazh. Morëm kovën me ujë të fiknim zjarrin edhe njoftuam policinë dhe zjarrfikësit”– u shpreh Çota. Ngjarja mund të ketë ndodhur për shkak të detyrës tha ai, ndërsa policia deri tani ka shoqëruar disa persona në komisariat
