Zëvendëskryeministri Erion Braçe tha sot se kopshti i ri i Çermës në Divjakë është drejt përfundimit, me kushte moderne për fëmijët. Braçe shprehet se vazhdon puna tek kopshti i ri i Çermë Sektor në Divjakë.
“Tani jemi tek parketi në dhomat e fëmijëve. Të gjitha klasat do jenë me parket, ajrim, ngrohje, dritë natyrale. Dyert janë vendosur, po instalohet sistemi i mbrojtjes nga zjarri gjithashtu. Punojmë, nxitojmë dhe ndjekim projektin e Llazarit dhe bashkisë Divjakë”, u shpreh Braçe. Ai shtoi se qeveria e mëparshme nuk bëri asgjë për Divjakën.
“A, ju kam thënë që do jetë godina më e mirë dhe me funksionale në të gjithë Çermën dhe kështu po rezulton. Më pëlqen shumë jo vetëm kjo, por edhe që ata kokrra militantë të regjimit korruptiv 12-vjeçar PD-LSI, kalojnë, e shohin me bisht të syrit, s’u pëlqejnë ngjyrat, shajnë, ikin, kthehen prapë, merren me rrethimin që se shohin, shajnë prapë, plasin, shkojnë hanë dreke, nuk i zë gjumi, dalin prapë, e shohin, shajnë çatinë. Në darkë, në errësirë shkojnë e shohin nga brenda me dritë celulari që mos i dallojë kush, ikin, si zë gjumi natën për të share përsëri në mëngjes”, shprehet ai. “Hajdutët, 12 vite në pushtet s’bëtë asgjë. Tani ruani shëndetin, mos plasni, pa vepra të tjera po vijnë”, përfundoi Braçe.
