Chester “ Chet ”Hanks, djali i aktorit të njohur amerikan Tom Hanks është bërë dëshmitar i një përleshje në Antiparos në Greqi, ndërsa ka qenë duke kaluar pushimet verore. Ngjarja ka ndodhur me 23 korrik 2019, por është publikuar vetëm sot në rrjetet sociale.
Në një video të ngarkuar në llogarinë e “Chet” në Instagram, një oficer policie në departamentin e policisë në ishull, shihet duke rrahur një turist në mënyrë të egër . Polici nuk ishte në shërbim në atë kohë dhe raportohet se ka ndërhyrë për të mbrojtur një person të tretë që kishte qenë në konflikt me turistin.
Sipas informacioneve, përleshja nisi kur disa të rinj u përpoqën të bënin një mbishkrime në një mur. Pastaj, një punonjës i lokalit doli dhe i vëzhgoi. Të rinjtë reaguan keq. Në atë moment polici ndërhyri. Njëri nga të miturit dyshohet se ka reaguar me fyerje, ndërsa disa pretendojnë se kanë tentuar të godasin policin, duke bërë që ai të reagojë në këtë mënyrë.
Çfarë thotë oficeri i policisë?
“Në përpjekjen time për të ndaluar një përplasje midis dy grupeve në sheshin qendror të Antiparos, unë u sulmova papritur nga fakti se kisha zbuluar statusin tim. Në të vërtetë, kur përmenda se isha oficer policie, ai më fyente ndërsa më godiste në qafë dhe fytyrë, duke më shqyer këmishën. Për shkak se unë u tremba për jetën time, duhej ta ndaloja” është shprehur ai për mediat greke.
