BRITANI E MADHE
Dita e sotme është një ditë e veçantë për familjen Beckham pasi djali i madh i familjes feston ditëlindjen. Nëpërmjet një postimi në Instagram mami Victoria ka publikuar një fotografi ku shihet bashkëshorti i saj, David Beckham duke mbajtur në krahë Brooklyn e porsalindur, bashkëngjitur me foton ajo i ka dedikuar fjalët më të bukura gëzimit të parë të saj.
“21 vite më parë shpirti më i bukur erdhi në jetë dhe ndryshoi jetën tonë përgjithmonë. I ndjeshëm, i ëmbël, i mirë dhe me plot humor ti je gjithçka. Të dua shumë”, shkruan Victoria. Edhe David Beckam bërë një urim për djalin e tij në Instagam.
“Gëzuar 21-vjetorin djali im i madh. Çfarë mund të them kur të shoh që je rritur kaq shumë. Më bën të ndihem babai më krenar në botë, je i sjellshëm dhe i kujdesshëm. Kemi kaluar shumë kaq shumë momente të lumtura dhe kemi ngritur kaq shumë trofe së bashku. Të dua shumë dhe të uroj më të mirat e botës sepse i meriton. Kujtojmë se ajo dhe David janë prindër të katër fëmijëve.
