Detaje të reja janë zbardhur nga djegia e makinës së gjyqtarit të Shkodrës, Andri Ymeri. Policia ka sekuestruar kamerat e sigurisë së bizneseve pranë vendit të ngjarjes.
Në pamjet e sigurisë, dallohet moment kur dy persona i vënë flakën automjetit dhe largohen. Dy personat janë identifikuar por emrat e tyre nuk bëhen të ditur për arsye hetimi.
Mbrëmjen e djeshme rreth orës 23:30, dy automjete të cilat ishin të parkuara në afërsi të Kishës Franceskane në Shkodër iu vu flaka, ku njëra nga makinat rezulton në pronësi të gjyqtarit.
Burime pranë policisë së Shkodrës bëjnë me dije se po punohet për zbardhjen e plotë të ngjarjes pasi nga hetimet e deritanishme rezulton se zjarri ka qenë i qëllimshëm.
Andri Ymeri ka qenë për disa vite edhe Kryetari i Gjykatës së Shkodrës. Kjo ngjarja rikthen edhe njëherë në Shkodër situatën e krimit dhe kësaj radhë goditja është ndaj togave të zeza.
Blutë e Shkodrës kanë marrë në pyetje edhe gjyqtarin Ymeri për të mësuar nëse ka pasur kërcime për çështje me të cilat ai mund të këtë pasur në gjykim.
