Categories Lajme

“Do të publikoj mesazhet me z.Basha”, Gazment Bardhi kërcënon se do të tregojë sekretet e fushatës së 14 majit

Sekretari i Përgjithshëm i Partisë Demokratike zyrtare, Gazment Bardhi ka dalë sot në një konferencë për media dhe është shprehur se mbledhja e Këshillit Kombëtar do të zhvillohet nesër online, në orën 19.00.

“Jam njohur me një deklaratë që dilte në emër të Kryesisë së partisë, e cila ngjante me një fletë-rrufe që shpallet armik dhe baltoste Sekretarin e Përgjithshëm, vetëm se kishte zbatuar Statutin e Partisë Demokratike. Zhgënjim absolut për kolegët që tjetër gjë kanë thënë në një vit e gjysmë dhe tjetër gjë bëjnë tani.

Njoftimi dhe thirrja e Këshillit Kombëtar është kompetencë ekskluzive e Sekretarit të Përgjithshëm. Këshilli do të mblidhet nesër në orën 19.00, në një mbledhje online. Ne kemi zhvilluar disa mbledhje online, siç është mbledhja për miratimin e kandidatëve për deputetë në zgjedhjet e 25 prillit. Edhe këtë herë do të mblidhemi online, në përputhje me Statutin”, tha Bardhi.

Më tej, ai u ndal dhe te njoftimi i mbrëmshëm i Kryesisë së PD për mbledhjen e Komisionit të Etikës.

“Jam njohur dhe me një vendim të Komisionit të Etikës, i cili në fakt nuk ekziston, për të dhënë llogari për veprimet e mia. Sekretari i Përgjithshëm jep llogari vetëm përpara Këshillit Kombëtar, i cili do të zhvillohet nesër.”

Gazment Bardhi foli edhe për anëtarë të Këshillit Kombëtar të PD që janë aktualisht në lista, por në zgjedhjet e fundit kanë bërë fushatë për kryebashkiakun Erion Veliaj. Ai pyeti dhe zotin Basha, të tregojë se kë kandidat ka mbështetur ai në Vaun e Dejës dhe Rrogozhinë në 14 Maj.

Dje, Jemin Gjana, doli në një konferencë nga selia e PD dhe tha se rreth 150 anëtarë të Këshillit Kombëtar janë hequr nga lista sepse nuk kanë bërë fushatë në zgjedhje për kandidatët e PD-së zyrtare.

“Për kolegët e mi brenda partisë, të bësh fushatë për Erion Velinë nuk e humb cilësinë si anëtar i Këshillit Kombëtar. Cilido që ka bërë fushatë për Igli Carën ka bërë gjënë e duhur. Cilido që ka bërë fushatë për Erion Velinë është në një llogore të gabuar. Megjithatë, sa kohë nuk ka një vendim, nuk e përcaktoj unë se kush është anëtar dhe jo.

Cilin kandidat ka mbështetur zoti Basha në Vaun e Dejës?! Nëse ai nuk e thotë, unë do detyrohem të bëjë publike mesazhet me zotin Basha. Cilin kandidat ka mbështetur zoti Basha në Rrogozhinë?!”, u shpreh Gazment Bardhi.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME