Ministria e Shëndetësisë ka reaguar në lidhje me lajmin për vdekjen e një të moshuari i cili humbi jetën gjatë transportit për në Gjirokastër, fill pas daljes së tij nga ambientet e spitalit Covid në
Ministria sqaron se pacienti 68 vjeçar kishte dalë negativ në dy tamponët e fundit, duke rezultuar kësisoj i shëruar nga koronavirusi. Më tutje, sqaron Ministria, burri vuante nga një sërë sëmundjesh, ndër to cirroza hepatike në një stad terminal. Shkak i humbjes së jetës sipas Ministrisë ka qenë një sindrm hepato-renale, e komplikuar më tutje nga një arrest kardiak.
REAGIMI: Lidhur me lajmin e publikuar në media të një pacienti që ka ndërruar jetë gjatë transportimit nga Spitali Infektiv drejtë atij të Gjirokastrës, Ministria e Shëndetësisë sqaron si vijon:
Një pacient 68 vjeçar nga Gjirokastra, i cili vuante nga ciroza hepatike në stad terminal, ka ndërruar jetë teksa po transportohej nga spitali infektiv, drejt Gjirokastrës, pasi ishte negativizuar nga COVID, me dy tamponë negativë. Gjatë transportit, ka pësuar humbje jete të papritur si pasojë e sindromit hepato-renal, i komplikuar me arrest kardiak. Ministria e Shëndetësisë i shpreh ngushëllime familjes së të ndjerit.