Vlera e dollarit amerikan në raport me lekun, ka qenë relativisht e luhatshme, duke pasqyruar luhatjet e tij në tregun botëror, gjatë tremujorit të parë të vitit 2020. Sipas Bankës së Shqipërisë, kursi usd/lek rezultoi i qëndrueshëm në muajin janar, pranë niveleve të muajit dhjetor, prej rreth 110.0 lekë/usd.
Ndërsa në terma mesatarë, në muajin shkurt dhe në 18 ditët e para të muajit mars, ai ka rezultuar përkatësisht me rritje në 111.9 lekë/usd dhe 109.7 lekë/usd.
Sipas ekspertëve të fushës, ecuria e dollarit amerikan në vend ka reflektuar gjithashtu goditjen e tregut valutor në fund të marsit; kursi usd/lek u rrit në 118.8 lekë/usd, me një nënçmim të lekut prej 8.2%. Ndërsa në 10-ditshin e dytë të muajit prill, ai është luhatur rreth nivelit 115.3 lekë/usd ose rreth 4.3% më shumë se një vit më parë.
