Don Xhoni është kthyer në një ndër reperët për publikun shqiptar, por jo vetëm. Ai ka tërhequr vëmendjen dhe jashtë vendit, konkretisht të një modeleje bukuroshe ruse, Ariana Lirey. Vajza ka bërë gjeste të ndryshme për reperin, por as ai nuk i është treguar indiferent. Në rrjet kanë qarkulluar shpesh biseda romantike mes tyre, madje Ariana e quan “burri im”.
Së fundmi, ajo ka bërë një postim për ndjekësit e saj dhe në fund të shkrimit ka shkruar “Nga Ariana Isufi”. Isufi është mbiemri i Don Xhonit, Xhonatan Isufi. Shkrimin e ka postuar dhe reperi, madje ai e ka vënë me një shigjetë emrin e saj me mbiemrin e tij. Kjo ka nxitur dyshimet se dyshja mund të jenë martuar në fshehtësi. Megjithatë, ekziston mundësia që kjo të jetë vetëm një lojë e tyre.
