Ministri i Punëve të Jashtme të Greqisë, Nikos Kotzias, ka dhënë dorëheqje nga posti që ka mbajtur deri më sot.
Pas dorëheqjes së Kotzias, ka reaguar edhe homologu shqiptar, Ditmir Bushati, i cili me anë të një postimi në rrjetet sociale, falënderon Kotzias për bashkëpunimin në hapjen e një faqje të re të marrëdhënieve dypalëshe.
“Ka pak gëzime në këtë profesion, por ato më të çmuara rrjedhin nga bashkëpunimi i vërtetë dhe një frymë kolegjialiteti. Faleminderit Nikos Kotzias për përpjekjet tuaja në hapjen e përbashkët të një faqe të re të bashkëpunimit, besimit dhe marrëdhënieve të mira fqinjësore midis vendeve tona”, shkruan Bushati.
