Familja mbretërore e Dubait është e njohur për pasurinë e saj dhe në një video të publikuar flitet për një nga anëtarët e familjes. Emri i plotë të Princit të Dubait është Sheikh Hamdan bin Mohammed bin Rashid Al Maktoum por ai është i njohur si “Fazza” nga emri i tij i përdorur në Instagram. Bëhet fjalë për djalin e dytë të Sheik Mohamed bin Rashid Al Maktoum, nënkryetar dhe kryeministër i Emirateve të Bashkuara Arabe, dhe Emir (sundimtar) i Dubait. Në listën e Forbes, ai është nga të rinjtë më të pasur në botë, pasi pasuria e babait të tij llogaritet në rreth 18 miliardë dollarë.
Dhe sipas një përshkrimi të një videoje, ai këto i ka “para me thasë” të cilat nuk i kursen. Kështu, siç thuhet më tej, ai ka një jaht privat në vlerë prej 400 milionë dollarësh që është i njohur si “Jahti i Dubait”. Ky jaht thuhet të ketë të gjitha gjërat e nevojshme, që madje as edhe disa hotele me pesë yje nuk i kanë dhe ka një kapacitet ku mund të qëndrojnë 48 njerëz. Por ky nuk është jahti i vetëm i tij.
Përveç jahteve, ai ka edhe shumë vetura superluksoze. Ai ka vetura në vlerë prej 1 milion dollarë, përfshirë edhe një LaFerrari.Veç kësaj, koleksioni i veturave të tij përfshin edhe një Mercedes G63 AMG, Mercedes AMG SLS, Lamborghini Veneno, Mc Laren P1, Buggati Veyron – dhe jo vetëm Ai gjithashtu ka një deve për të cilën thuhet se ka paguar 27 milionë dollarë. Megjithatë, edhe pse bën një jetë luksoze ku njihet edhe si një fans i sporteve aventureske, ai është i njohur edhe si bamirës.
