Durrësi është një ndër qytetet me numrin më të lartë të të infektuarve me Covid në vendin tonë. Gazetari Leonidha Musaj raporton për ABC se ditët e fundit institucionet e administratës publike janë kthyer në vatra infeksioni.
Shkollat janë një tjetër problematikë e përhapjes së koronavirusit në qytetin bregdetar ku deri më tani raportohet se janë infektuar 20 mësues dhe 10 nxënës. Ndërkohë një ditë më parë në Durrës mes 12 rasteve, katër prej të prekurve janë punonjës të Kadastës. Gjithashtu disa ditë më parë në këtë qytet për shkak të infektimit me Covid të disa prej anëtarëve të institucionit, gjykata dhe prokuroria e Durrësit janë të mbyllura deri me datë 16 dhe punojnë me staf të reduktuar ku zhvillohen vetëm seancat urgjente gjyqësore.
