Një shpërthim me lëndë plasëse ka ndodhur në orët e para të mëngjesit të sotëm në një dyqan në derën e dyqanit të 58-vjeçarit Shaban Aga në zonën e Kënetës. “Na hodhën tritol, na tmerruan. Është e pesta herë që na ndodh”, janë shprehur familjarët.
Ngjarja ka ndodhur në orën 03:10 te rruga “Shenjtorët”, kur në fasadën e dyqanit në pronësi të Sh.A. 58 vjeç ka shpërthyer lënda plasëse.
Autori i dyshuar është D.K, 31 vjec nga Burreli i cili ka pasur konflikt me pronarin e dyqanit. Tashmë grupi hetimor po punon për të zbardhur rrethanat e ngjarjes.
Njoftimi i policisë, Rreth orës 03.10, në lagjen 17/1 rruga “Shenjtoret”, në fasadën e dyqanit të shtetasit Sh.A, 58 vjeç, dyshohet se shtetasi D.K, 31 vjec, banues në Burrel, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse, duke shkaktuar vetëm dëme materiale.
Dyshohet se ngjarja ka ndodhur si pasojë e një konflikti të mëparshëm mes shtetasit Sh.A dhe D.K. Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje.
