Një ngjarje e rëndë u shënua mesditen e sotme (6 korrik) në plazhin e Durrësit. Një 60 vjeçar nga Kosova është gjetur i pajetë afër sektrit të plazhit të njohur si “Hekurudha”.
“Më datë 06.07.2020, rreth orës 13:00, në lagjen nr.13, Plazh, Durrës, shtetasi kosovar R.B., 60 vjeç, dyshohet se është mbytur duke u larë në det, e për pasojë ka ndërruar jetë” – njofton policia. Grupi hetimor ndodhet në vendngjarje dhe po punon për zbardhjen e ngjarjes.
Ky nuk është rasti i parë që një shtetas nga Kosova humb jetën në bregdetin shqiptar. Pak ditë më parë, një 75-vjeçar në Velipojë pësoi atak kardiak pak pasi u fur në det për tu larë.Ndërsa një tjetër 73-vjeçar në Durrës humbi jetën teksa lahej në det.
