Vala e të nxehtit të pazakontë që ka goditur vendin po shton problemet shëndetësore te qytetarët që për t’i shpëtuar vapës i janë drejtuar plazheve. Në qendrën shëndetësore verore të plazhit të madh në Durrës paraqiten rreth 60-70 pushues në ditë me shqetësime, të cilat prekin pothuajse të gjitha grupmoshat.
Kjo fundjavë paraqitet edhe më e ngarkuar në qendrën shëndetësore për shkak të fluksit të madh të pushuesve në plazh. Goditje nga dielli, probleme kardiake, dehidratim, ndërsa më të vegjlit po përballen edhe me alergjitë e shkaktuara nga prania e kandilave të detit në ujë.
Mjekët bëjnë thirrje për kujdes të shtuar dhe konsumimin e sa më shumë lëngjeve në këto ditë të nxehta vere.
