Mesditën e sotme në Qarkun e Elbasanit u regjistruan dy aksidente, ndërsa mes të plagosurve raportohet se është edhe një 13-vjeçar.
Burime zyrtare bënë me dije se në aksin e rrugës kombëtare Elbasan-Papër një automjet doli nga rruga dhe përfundoi në anë të saj.Nga aksidenti automjeti u shkatërrua pjesërisht, ndërsa drejtuesi i tij pësoi dëmtime të lehta. Në vendin e ngjarjes shkoi policia e cila dokumentoi ngjarjen si dhe kreu veprimet proçeduriale për përcaktimin e shkaqeve të aksidentit.
Dyshohet se shkak ka qenë humbja e kontrollit të automjetit e favorizuar edhe nga moti me stuhi dhe erë e fortë. Ndërsa rreth orës 13.30 të po të kësaj fillim jave një tjetër aksident ndodhi në fshatin Floq të Njësisë Administrative Klos.
Në Floq automjeti tip Wolksvagen me targë AA079EJ dyshohet se ka humbur kontrollin në rrethana ende të paqarta dhe është përfshirë në aksident.
Drejtuesi i automjetit së bashku me një 13-vjeçar që po udhëtonte me të mbetën të plagosur.Ata u transportuan me urgjencë me ambulancë për në Spitalin Rajonal të Elbasanit për ndihmë mjekësore.
