Xhetan Ndregjoni është daja i Evës 14 vjeçe dhe Endrit 12 vjeç të cilët ndodhen prej rreth 7 vitesh në zonën e luftës në Siri. Ata u larguan me të atin Shkëlzen Domani i cili gënjeu të shoqen, mori autorizimin e saj dhe bashkë me fëmijët iu bashkua luftës së shtetit islamik.
Dumani vdiq gjatë luftimeve të grupit islamik, ndërsa atje kishte mbërritur e ëma e tij, Mentije Dumani për ta bindur që të kthehej. Por më kot, djali i vdiq dhe vetëm 5 ditë më parë ka ndërruar jetë edhe 73 vjeçarja. Trupi i saj ndodhet në Siri, ndërsa Xhetan Ndregjoni thotë për Fax News, për gazetarin Fatjon Gjinaj, se makthi i familjes ështe shtuar pasi fëmijët janë më të rrezikuar se kurrë. Ai tha gjatë intervistës se të të miturit janë në rrezik për jetën teksa tregon neglizhencën e shtetit shqiptar.
Ai tha se prej 6 vitesh na thuhet se po punohet dhe asgjë nuk është bërë. Ndregjoni kërkon sensibilizim shoqëror dhe mediatik për rikthimin e fëmijëve në atdhe teksa mes lotësh tregon se nuk i ka mbetur asnjë rrugë për të provuar tjetër. “Nuk kemi lënë njeri pa telefonuar, deri te këshilltari i kryeministrit për antiterrorin, nuk kemi lënë njeri, i kemi shkruajtur kryeministrit, na ka thënë po merremi, po merremi, dhe asgjë nuk është bërë.
Ata fëmijë mund të jenë subjekt i çdo gjëje të keqe. Ata fëmijë i ka rrëmbyer babai i vetë, gënjeu motrën time dhe shkoi drejt Sirisë. Mentija shkoi me shpresën se do ta bindte djalin që të kthehej. Pas vdekjes së Mentijes kam komunikuar vetëm një ditë me fëmijët, vajza më lajmëroi për vdekjen e gjyshërve. Më kanë thënë se kthimi i fëmijëve mund të bëhet vetëm përmes shtetit shqiptar, nuk na jepen dot ne si familjarë, nuk mund të bëjmë asgjë.
Sa ishte Mentija gjallë kishim një llojë shprese, tashmë thirrja jonë është vetëm prej shtetit, koha nuk pret më, nuk kam fjalë tjetër. Ata fëmijë tani mund të jenë objekt i çdo të keqe, nuk dimë se çfarë ndodh me ta”, u shpreh daja i dy fëmijëve Dumani. Daja i fëmijëve të Shkëlzen Dumanit, i cili ka humbur jetën në Siri u përlot teksa rrëfente se sa shumë i mungojnë dy nipat dhe akoma më shumë motrës së tij dy fëmijët e mitur të cilët nuk i ka parë prej 7 vitesh.
“Baballarët e tyer janë në burg. Pjesa dërrmuese janë vrarë. Organizata ndërkombëtare nuk poi trajtojnë. Mos pyet si po e përballon, nuk e di si e gjen dita e nesërme. Kam plot 7 vjet që po shpreson për to dhe nuk arrij dot që ‘tju jap një përqafim. U bëj thirrje të gjithë organizamve ndërkombëtare që ti rikthejnë.
Ka ikur kur ka qenë në plasë të 7-të. Çdo komunikim me to ëshët thirrje se çfarë po bën shteti me ne. dhe na thonë o daja na thuaj a nuk po merret shteti me ne dhe unë nuk di çfarë që t’ju them. Jam gati të kontribuoj me çfarë më kërkohet. Në çdo derë ku kemi kontaktuar e vetmja rrugë është mënyra institucionale dhe çdo instuicion ka shprehur gatishmëri, por nuk kemi parë asgjë.”- tha Dumani.
