Dy qytetarë nga Elbasani kanë ndërruar jetë këtë të enjte pasi ishin infektuar me koronavirus. Sipas “Panorama”, bëhet fjalë për një 73 vjeçar dhe një 37 vjeçar, ky i fundit pa sëmundje bashkë-shoqëruese.
Mësohet se 37 vjeçari ishte ndjekur nga mjekët në Elbasan pasi kishte rezultuar pozitiv me Covid-19, por pasi gjendja e tij u përkeqësua me kalimin e ditëve, ai u dërgua në Tiranë, ku u shtrua në spitalin Covid 2. Prej dhjetë ditësh i shtruar në spitalin “Shefqet Ndroqi”, i riu nuk e ka fituar dot betejën me sëmundjen dhe ka ndërruar jetë mëngjesin e sotëm.
