Dy këmbësorë mbetën të plagosur në dy aksidente rrugore në Tiranë dhe në Durrës.Në kryeqytet, rreth orës 09:50, tek vendi i quajtur Ushtari i Panjohur, një mjet me drejtuesen shtetasen M.V., në rrethana ende të paqarta ka aksidentuar një shtetas ende të paidentifikuar, i cili është dërguar menjeherë në spital dhe ndodhet nën kujdesin e mjekëve. Drejtuesja e mjetit është shoqëruar në Komisariatin Nr.1 për veprime të metejshme.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes. Ndërkohë në Durrës një këmbësor u aksidentua te Stacioni i Trenit. Ai u transportua drejt spitalit për mjekim ndërsa nuk dihet gjendja shëndetësore e tij.
